میرے گھر کے نزدیک ہی "البرکہ" کمپنی کا دفتر بنا ہوا ہے۔ اس دفتر سے غریب عورتوں کو قرضہ ملتا ہے۔
ملنے والا کل قرضہ مبلغ دس ہزار روپے ہوتا ہے۔ اور اسے لینے کیلئے لوگوں کی لائنیں، ضمانتی اور کاغذات کی تیاری کے مراحل دیدنی ہوتے ہیں۔
دس ہزار روپے لینے کیلیے لوگوں کو کئی کئی بار آنا پڑتا ہے۔ خواتین دفتر کے اندر اور ان کے خاوند اپنے چھوٹے چھوٹے بچوں کو باہر دھوپ میں سنبھالے کھڑے ہوتے ہیں۔
دس ہزار کی رقم آجکل بہت سارے لوگوں کے نزدیک انتہائی چھوٹی سی رقم ہے۔ خاص طور پر جن کا ایک میل (Meal) ہزار بارہ سو روپے میں آتا ہو یا دو تین دوستوں کے ساتھ کسی اچھے ریسٹورنٹ میں شام کا کھانا پانچ چھ ہزار روپے کا بنتا ہو۔
یہ دس ہزار روپے اگر کسی کو مچھلی خرید کر دینے کیلیے ہوں تو بہت تھوڑے سے ہیں۔ اور اگر کسی کو مچھلی پکڑنے کا سامان خرید کر دینے کیلیے ہوں تو کافی سارے ہیں، نسلیں سدھر سکتی ہیں، نسلیں غربت سے باہر آ سکتی ہیں، اچھے رہن سہن کے قابل ہو سکتی ہیں۔
میرے ایک محترم دوست سہہ روزے پر تھے۔ مسجد کے ایک ہمسائے نے غربت کا سنایا اور امداد مانگی۔ آپ نے اسے وہیں پر ہی ایک ریڑھی خرید کر دی اور اسی سہہ روزے کے دوران ہی پھل خرید کر کاروبار شروع کرا دیا۔ بات آئی گئی ہو گئی۔ ایک بار آپ ایک معروف چوک پر کسی کام سے رکے تو ایک پھل فروش پھلوں کے کئی لفافے بھر کر آپ کی کار میں رکھنے کیلیے لے آیا۔ آپ کو بتایا کہ کہ آپ کا ہی لگایا ہوا پودا ہوں اور اللہ کے فضل سے آسودہ حال ہو چکا ہوں۔
مائکرو فنانس سے کئی حکومتوں نے اپنی غریب عوام کو معاشرے میں برابری دے دی ہے۔ اگر آپ اس طبقے سے ہیں جن کی فرمائشیں کاروں پر ٹیکس چھوٹ سے شروع ہوتی ہیں تو بجا ہے، مگر بات نچلے طبقے کو کچھ ریلیف دینے کی ہو رہی ہو تو اس کا مذاق بھی نہ اڑائیے۔
شاید آپ کو اس بات کا پتہ ہی ہوگا کہ اب دنیا تیزی کے ساتھ آرگینک کھانوں کی طرف جا رہی ہے۔ مذاق چھوڑیئے، شہریوں (آپ بھی شہری ہی ہیں) کے فضلے سے پرورش پائی سبزیوں کی بجائے کچن گارڈننگ کیجئے، گھر کی چھت پر مرغیاں پالیے، گملوں میں مرچیں، ٹماٹر اور بھنڈیاں اگا لیجیے۔ اپنی اور اپنی نسل کو مہلک بیماریوں سے بچائیے۔
In this post you can find all of your questions which you are finding on google or any other search engine here is your findings " jan ka sadqa, sadqa ki niyat, sadqa ki dua, sadqa procedure, sadqa kis ko dena chahiye, sadqa dene ka sahi tareeqa, sadqa karne ki dua, bakra sadqa ki dua, sadqa dene ki dua, behtreen sadqa kya hai, sadqa ka gosht, sadqa ki hadees etc."
ایک تبصرہ شائع کریں